Tempu badak IX governu konstituisaun, Atravesa Ministeru Transporte no Komunikasaun, sei asina ho kompañia ne’ebé atu konstrusaun ba infraestrutura projetu Fiber Óptik iha area Bebonuk.

MINISTERIU TRANSPORTE COMUNIÇÃO: Ministru Transporte Komunikasaun, Sua Exelensia Miguel Marques Gonçalves Manetelu, hatete, Timor-Leste nasaun ida nurak, tanba ne’e tenke prepara rekursu umanu atu hasoru mundu teknolójia global.

Ministru Transporte no Komunikasaun, sua exelensia, Miguel Marques Gonçalves Manetelu, relata informasaun hirak ne’e ba jornalista hafoin halo abertura ba formasaun tekníku Informasaun Teknolojia iha Edifisiu MTK, Kaikoli, kuarta,02/ Augustu/2023.

“Fiber Óptik ne’e prosesu la’o ona, hein tempu badak tan, semana ida, rua karik bele asina ona kontratu ba kompañia ne’ebé sei harii infraestrutura Iha Bebonuk”, Ministru Miguel Manetelu informa.

Ministru, Miguel Manetelu, reforsa, aleinde harii infraestrutura iha Bebonuk sei asina mós ho Kompañia ida ne’ebé atu halo instalasaun ba sasan sira ne’e hodi hein kabu sub-marinu ka fiber óptik to’o mai liga para tama ona iha operasionalizasaun.

Projetu kabu sub-marinu ne’e estratejiku no ba interese nasionál nian, tanba ne’e laiha ema ruma atu dehan taka. Nune’e governu liuhusi MTK kontinua tau interese komum ida ne’e to’o dada fiber óptik mai iha rai laran hodi benefisia povu nasaun. (MEDIA MTK)