Ministério dos Transportes e Comunicações: Ministru Transporte no Komunikasaun, Eng. Miguel Marques Gonçalves Manetelu, partisipa iha debate orsamentu retifikativu ho montante Dolar Amerika Billaun 1,96USD, ne’ebé Lejisladór aprova ho final global iha loron datolu, iha Uma Fuku Parlamentu Nasionál, iha loron kinta-feira, 24/08/2023.

Husi orsamentu retifikativu total billaun 1.96,USD, ne’ebé órgaun Parlamentar aprova ho final global ne’e ho votu A-favor 41, Kontra Zero, Abtensaun 23. Inklui ona orsamentu Ministériu Transporte no Komunikasaun ho total orsamentu millaun 12,458,253,USD aprovadu.

Orsamentu Retifikativu MTK nian ne’ebé aprovau husi Parlamentu Nasionál ho montante millaun 12,458,253,USD, ne’e tau ba iha Saláriu no vensementu dolar amerika 4,594,360,USD, Bens Servisu dolar amerika 4,423,966,USD, Transferensia Públika 1,747,000,USD, kapitál menór dolar Amerika  rihun 316,302,USD no Kapitál Dezenvolvimentu millaun 1,376,625,USD.

Ministériu sei koloka osan sira ne’e tuir programa jerál ne’ebé maka define ona hanesan, Programa 502 Transportes ho orsamentu dolar amerika 2,961,314,USD, Programa 510: Funsionamentu no Dezenvolvimentu Institusional ho orsamentu dolar amerika millaun 5,818,318,USD, Programa 874: Portos ho orsamentu dolar amerika rihun 448,776,USD, Programa 980: Inkluzaun Sosiál ho orsamentu dolar amerika rihun 40,280,USD, Programa A08: Teknolojia Informasaun no Komuikasaun ho orsamentu dolar amerika Millaun 3,189,565,USD.

Osamentu hirak ne’e maka Iha Inisiu Mandatu IX Governu Konstitusionál, liu-liu iha Ministériu Transporte no Komunikasuan sei zere hodi sustentabiliza servisu durante fulan fulan nee, to’o finde Dezembru 2023. (MEDIA MTK)