Konsellu Ministru Aprova Dekretu Lei MTK

Ministério dos Transportes e Comunicações: Sorumutu Konsellu Ministrus, IX Governu Konstitusionál, iha loron 29 Fulan Agostu tinan 2023. Halo aprovasaun ba projétu dekretu lei, kona-ba orgánika Ministériu Transportes no Komunikasaun (MTK) nian ho ministeriu sira seluk.

Projetu Dekretu-Lei, ne’e aprezenta husi Ministru Eng. Miguel Marques Gonçalves Manetelu, ne’ebé iha reuniaun Konsellu Ministrus ne’e halo apresiasaun no aprova orgánika Ministériu Transportes no Komunikasaun.

Ministériu Transportes no Komunikasaun maka departamentu governamentál ne’ebé responsavel ba konsesaun, ezekusaun, koordenasaun no avalisaun ba polítika ne’ebé define no aprova ona husi Konsellu Ministrus ba área transportes no Komunikasoins.

Enkuantu husi reuniaun konsellu ministrus ne’e, aleinde aprova dekretu lei organíka Ministériu Transporte no Komuníkasaun, aprova mós ministeriu sira seluk hanesan Ministériu Saúde, aprova Orgánika Ministériu Edukasaun nian, aprova orgánika Ministériu Ensinu Superiór, Siénsia no Kultura nian. Orgánika Ministériu Komérsiu no Indústria nian, aprova orgánika Ministériu Dezenvolvimentu Rurál no Abitasaun Komunitária nian, aprova orgánika Ministériu Interiór nian, aprova orgánika Ministériu Juventude, Desportu, Arte no Kultura nian, aprova orgánika Ministériu Planeamentu no Investimentu Estratéjiku nian, no ikus liu maka aprova orgánika Ministériu Finansas nian.(MEDIA MTK)